اعلن مجلس النقابة عن فتح باب الاشتراك فى مشروع العلاج للمحامين واسرهم لعام 2008 وذلك ابتداء من اول يناير حتى 31مارس بشرط احضار المستندات التالية وهى
1- ايصال سداد الاشتراك لعام 2008
2ـ البطاقة الضريبية للمحامين
3ـ الرقم القومى للعضو الاصلى وللسادة المسستفيدين
4ـ مستندات اثبات القرابة ( شهادة الميلاد قسيمة الزواج شهادة ميلاد العضو الاصلى فى حالة اشتراك الوالدة )
5ـ اقرار من الزميل بصحة البيانات الواردة بطلب الاشتراك
6ـ عدد2 صورة شخصية لكل مشترك ومستفيد ماعدا الطفل اقل من 6شهور
7ـ اثبات عدم التخرج للابناء اكبر من 18سنةوحتى 25عام كحد اقصى للاشتراك
8ـ تقدم اصول المستندات للموظف المختص وصورة ضوئية منها للاطلاع ويتم التاشير منه بانها طبق الاصل وذلك على مسئولية الموظف المختص الشخصية
ده نص الاعلان بالحرف الواحد وانا مش عارف ليه المجلس مصر على تصعيب الامور على المحامين واجبرهم على احضار مستندات العلاج بالرغم من ان كل المستندات المطلوبة فى الاعلان موجوده فى ملف العضو فى النقابة باستثناء حاجات بسيطة وهناخدهم شرط شرط اولا ايصال السداد لعام 2008 من المعروف ان سداد الاشتراك بيتم تسجيلة على الكمبيوتر فى النقابة يوم بيوم وفى شبكة كمبيوتر تغطى ادارات النقابة فكل عضو سدد بيان السداد على الكمبيوتر ايه لزمة ايصال السداد هو المجلس مش عاوز يتعب الموظف انه يكشف الكمبيوتر ويخلى المحامى يجيب ايصال السداد امال شبكة الكمبيوتر ال مصروف عليها مئات الالوف لزمتها ايه ثانيا البطاقة الضريبية للمحامين طيب المحامين لما اشتركوا السنة ال فاتت قدموا اصول وصور البطاقات الضريبية للجنة القيد وتم وضع صورالبطاقات فى الملفات والتاشير بيها على الكمبيوتر المفروض ال قدم البطاقة الضربية مرة خلاص ما يقدمهاش تانى امال لزمة الكمبيوتر ايه يا مجلس ولا انتم هدفكم ارف المحامين وخلاص المقبول ان العضو ال هيشترك لاول مرة هو ال يجيب البطاقة لكن ال جبها قبل كدا يجبها تانى لية ثالثا الرقم القومى للعضو الاصلى وللسادة المستفيدين ده غريبة جدا اذا كان احنا كمحامين بنتعامل فى كل مكان بكارنية النقابة نيجى جوالنقابة نتعامل ببطاقة الرقم القومى طب ليه فهمونى هى النقابة مابتعترفش بالكارنيهات ال بتستخرجها لاعضائها ولا ايه بعد كدا شهادة الميلاد للعضو الاصلى فى حالة اشتراك الوالدة والعضو الاصلى هو المحامى والمحامى لما بيجى يقيد فى النقابة من ضمن المستندات المقدمة شهادة الميلاد لما هى عندكم بتطلبوها تانى ليه والكمبيوتر ال فى النقابة لزمته ايه وبعد كدا عوزين اقرار من الزميل بصحة البيانات اقرار ايه ال انتم عوزينه لما انتم عندكم اصول المستندات فى ملف كل عضو وهيجبلكم الاصول طبقا للاعلان وصور منها ال افهمه ان الاقرار يكون فى حالة عدم وجود المستندات لكن عاوز اقرار ومستندات ليه مش فاهم بعد كدا اثبات عدم التخرج والحد الاقصلا للاشتراك هو حدد حد للاقصى الاشتراك للابناء 25 سنة طيب يا مجلس يا همام لو المحامى عنده بنت عندها اكتر من 25 سنة ولم تتزوج مش ابوها ال هو المحامى هو الملزم بعلاجها وانتم عرفين تاخر سنة الزواج فى مصر هيروح يعالجها فين هتبوا انتم والزمن علية حرام عليكم واخيرا تقديم اصول المستندات وصورة منها للموظف المختص للتاشير عليها بانها طبق الاصل تحت مسئوليته الشخصية شوفوا الموظفين هيتحكموا ازاى مع المحامين والحجة معروفة ده على مسئولينتى الشخصية وهتحصل مشاكل للصبح وربنا يخلى المجلس عشان يتعبنى ويكفرنا فى عيشتنا وبيقولوا ان صاحب القرارات ده الاخ المنتهية ولايته من شهر مايو لان عقلية الموظف هى ال مسيطرة علية لانه طول حياته موظف قطاع عام وده اضحة جدا من خلال الاعلان ده