كتب: م.المراكشى
أول أجزاء سلسلة صحي النوم
"صباح الفل"<!--break-->
- صحي النوم ياعسل . أصبح العالم من حولنا في الفترة الاخيرة (أو يمكن من زمان) زي الصاروخ وطبعا إحنا زى السلحفاة (و ده طبعا من زمان ) . # بيقولوا في أمريكا إن في شركة أدوية ستتمكن من رسم الخريطة الجينية للانسان في أربع دقائق فقط و بتكلفة 1000 دولار بس (يا حلاوة) . وتكمن قوة هذه الشركة في كفاءة أجهزتها . وسيكون هذا الانجاز تحطيم للانجاز السابق الذي استغرق رسم الخريطة الجينية فيه مدة 9 أشهر و بتكلفة 300 مليون دولار ( الكلام ده كان من سنة 2000) . # أما بقى عندنا في مصر بيقولوا إن المترو معرفش يفرمل فلبس في الحيط .(أرفض حدوث هذا).# بيقولوا في اليابان أن الطيور أكبر قدرة على الطيران من الطائرات الحربية (سبحان الله ). والآن يبحث فريق من العلماء حركة الطيور و الحشرات الطائرة حيث يأملون في كشف قدرتها العالية على التحكم في حركتها أثناء التحليق. وحاليا يدعم الجيش الياباني الباحثين لأستكمال أبحاثهم والتوصل لصنع طائرة حربية بحجم الحمامة.(يا حلاوة).# أما بقى عندنا في مصر بيقولوا أنك لازم تعمل التدريب العسكري في أجازة الصيف (وأنت أصلا طول السنة طلعان عينك) ولو معملتوش السنادى هتعمله السنة القادمة ولو برضه معملتوش هتعمله السنة اللي بعدها معاك للبكالريوس يا معلم هتعمله هتعمله . لأ وإيه كمان هتدفع 50 جنيه عن كل سنة تأجيل. ومحدش عارف إيه فايدته غير الخنقة والتكدير . (بجد أرفض حدوث هذا
# بيقولوا في أمريكا أن الباحثين الامريكيين يطورون مولد كهربي يتم توصيله بالركبة عشان تشحن بطارية الموبايل وأنت ماشي (يا حلاوة) . وقد نفذ الباحثون نموذج أولي ونجح. #أما بقى عندنا في مصر بيقولوا أن محمد صبحي لم ينتهي من أختيار المسلسل اللي هيعرضه في رمضان. بقولك إيه! بلا صحي النوم بلا صباح الفلخليك كده نايم في العسل والملبس والشربات والحجات الملزقة كلها.آه ومتنساش تتفق مع أصحابك هتسهروا فين النهاردة وبرضه ماتنساش تكلم الديلر اللي بتتعامل معاهعشان الدماغ بتاعت آخر الليل."يا حسرة عالبلد اللي خربت"