الاستاذ سامح عاشور نقيب المحامين القادم وبكره تشوفوا

منفترة وانا منقطع عن النقابة لكن من يومين اعدت مع مجموعة من شباب المحامين فى محكمة مصر الجديدة واتكلمنا عن النقابة الانتخابات والجمعية العمومية الغير عادية وقرارتها هتتنفذ ولا لا وجميع الحاضرين شنوا هجوم عنيف على الاستاذ سامح عاشور النقيب السابق وبيحملوه المسئولية عن تدنى المهنة وبعد ما القعدة خلصت قال لى احد الزملاء كدا خلاص الاستاذ سامح عاشور مش هيجى نقيب تانى  وانا اختلفت معاه واكدت له ان الاستاذ سامح عاشور هو نقيب محامين مصر القادم لعدة اسباب مش معنى كدا ان انا مؤيد للاستاذ سامح لا لكن الانتخابات ليها حسابات تانية خالص

اول سبب ان الاستاذ سامح عاشور بيعرف يدير المعارك الانتخابية بتعته بكفاءة عالية ومن الاخر هو معلم فى النقطة ده ثانيا مفيش الى الان منافس حقيقى له ومع احترامى وتقديرى الكبير للاستاذ مختار نوح لا هو مش منافس لسامح صحيح الاستاذ مختار عقلية انتخابية جبارة لكن الادوات التى تمكنة من ادارة المعركة غير موجودة عنده وفقدها بعد خروجة من الاخوان ومن وجهة نظرى ان مش اقل من 70%من قوة الاستاذ مختار كانت مستمدة من الاخوان مش منه هو شخصيا بعكس الاستاذ سامح مصدر قوته شخصة يعنى سامح هو التظيم ومختار كان فرد فى تظيم ثانى سبب الاخوة الصعايدة بلدياتى وحبيبى ودول تكتل مهم جدا وقوى ومؤثمر والاستاذ سامح بيعرف يوحدهم معاه كويس وده بلوك مقفول علية كنقيب سبب تانى انه الاستاذ سامح نقباء الفرعيات علاقته بهم قويه جدا وله رجالة شغالة فى كل محافظة سبب تانى انه مدعوم من النظام وال حصل فى مجلس الشعب مش مؤشر انه فقد تايد النظام له من وجهة نظرى الكلام ده مش مظبوط لان ال حصل اثناء مناقشة تعديل القانون كان صراع بين اجنحة السلطة بين احمد عز وفتحى سرور انتصر فيه فتحى سرور على احمد عز وتدخل الرئيس ما كنش عشان يحذف المادى لا ده عشان يعرف ايه سبب الخلاف بين عز وسرور وتم حذف المادة الاولى والدبلومة والتاديب خوفا من عدم الدستورية والا لما استطاع الاستاذ سامح عاشور ان يمرر القانون فى اخر يوم متخطيا العديد من القوانين انتهت اللجنة التشريعية من مناقشتها سبب اخر الاستاذ سامح عاشور عنده كام مادة فى القانون هيقدر يستخدمهم فى الحملة الانتخابية كويس جدا وهتحسب له اولها لعادة لجان تقدير الاتعاب ومادة الحصانة وعدم قيد من خرج من وظيفته لعدم الصلاحية  سبب اخر مهم ان الاخوان المنافس التقليدى للنقيب اسهمهم فى النازل وفى اضعف حالتهم ويعلمون جيدا انهم لا يستطيعون ان يخضوا المعركة ضد الاستاذ سامح عاشور علنا بل اقصى ما سوف يفعلونه هو اعطاء اصواتهم لمرشح بعينة لكن مش هيعملوله حملة كاملة زيى الاستاذ رجائى لانهم فهموا الدرس كويس ده مجموعة من الاسباب من وجهة نظرى كفيلة ان تاتى بسامح عاشور نقيبا للمحاميين